30 يوم فى السجن

شكرا يا حوريه ويا رب يبعدنا عن الفضائيات

انا عن نفســــــــى هصلى واصـــــــوم واقرى قرآن .. وهخرج واتفسح واتفرج على كل البرامج الجديده ولو فى مسلسل حلو مفيش مانع

وعادى يعنى .. هعيش سنى .. عشــــــان لو بقيت متزمت من دلوقت ومعملتش كل اللى نفســـى فيه .. هاجى بقى لما اكبر وهلسع

ايه المانع ان الواحد يحب ربنا ويطيعه .. وفى نفس الوقت يعيش حياته عادى

مش لازم يعنى اتنى رجل البنطلون واربى دقنى وامشى والسواك فى بوقى واكلم اللى قدامى لغه عربيه فصحى ( يا اخى ويا اختاه )
ولو شـــــــوفت واحده متبرجه اقولها يا عدوه الله

والله فى ناس عاملين كل دا ومش مخلصين لربنا وجواهم وحش وكمــــــــان مش بينزلوا يصلوا الفجــــــــر اصلا
الا من رحم ربى

وبرده فى ناس عايشه عادى وعارفين فى دينهم وحافظين قرآن اكتر من اى حد تانى .. الدين فى القلب مش فى المظاهر
وعلى فكره معلومه بس انا شوفتها بعينى .. لحد دلوقت ما شوفتش شيخ بيغض بصره وبرده الا من رحم ربى
فلما انا اشــــــــوف الشخص دا كده ازاى هيكون مثل اعلى وازاى هقبل من نصيحه واكيد من جوايا هكون رافض اكون زيه فى المظهر وفى الجوهر

والله دا رأييى وانا عارف انه هيزعل ناس وبرده فى ناس هتتفق معايا .. بس الواحد ما يقدرش ياخد دين من حد والحد دا مش اهل للدين
اللهم بلغنا رمضــــــــــان

شكـــــــــرا على الموضــــــــــــوع

تعيش سنك يا حازم طب انت عاندك 21 تعمل ايه لو واحده عندها 15 سنه ومش راضيه عن نفسها مع انها بتصلي وحافظه قران وبتصوم طبعا ولكنها ليست متعصبه في الدين مع كل احترامي العمر بيمر مع كل احترامي وكلامك عن المتدينين بعضها صح وكل عام وانت بخير

اللهم بلغنا رمضــــــــــان
دى أحلى حاجه حاجه أنت قاتها
وكل عام وأنت بخير...

وانتـــــــــوا بالصحــــــــــــه والســـــــــــــلامه ..

واللى هيدخل بعدى كل عام وهو بخير .. ما احنا فاضيين اصلا انهارده .. هنقولها لواحد واحد

مرسي يا حورية وكل سنة وانتم طيبين ويعودوا عليكم بالخير واليمن والبركات

جزاكى الله خيرا ياحورية وكل عام وانتم بخير

شكرا جزيلا لكى يا أخت رنا وكل عام وانتم بخير انتم وجميع الامه الاسلاميه






جماعه نسيت اقولكم حاجه مهمه جدا فى مسلسل ليسرا حلو اوى هيجى على دريم وعلى بانورما وعلى الحياه مسلسل جامد ومتخافوش هيبقى بعد العشا والتراويح عشان الصلاة يعنى شيطان وقال للعبد وريتك الدنيا وألوانها وبعت الأخره علشانك وبقيت تخاف تخرج منها ونسيت كمان الصلا والفرض
أتقوا الله انها دنيا فانيه

ليه كده يا حوريه ده مسلسل حلو وهيبقى لى قصه وكمان معاده مش متضارب مع اى مواعيد صلاه

ده كفايه يسرا فيه مع كل احترامي

مالها يسرا دى محترمه جدا مع كل احترامك ومش مستفزه زى الممثلين التانيين يا سميه واعمالها حلوه وليها هدف فى المبادئ وكده ومسلسلاتها بتحكى عن قضايا احنا عايشين فيها دلوقتى يعنى مثال بسيط المسلسل بتاع رمضان اللى فات قضية رآى عام ده كان مسلسل هادف وليه قصه وقضيه ومشكله نساء كتير بتتعرض لها ويسرا مش مستفزه زى باقى الممثلين,"مع كل احترامى بردوه"
وبالحق فى مسلسل لنور بردوه حلو لو هو هيجى فى معاد مش من بتوع الصلاه ابقوا تابعوا ودى مش نصيحه يا اخوه ويا أخوات

فى ايه ياجماعه انتوا اخدينها عند ليه
احنا ان شــــــــــاء الله هنطيع ربنا وهنصلى وهنصوم وهنعمل كل حاجه كويسه
بس فى حاجات بتختلف من شخص لاخر
يعنى فى واحد بيكون فى نيته يختم القرآن ويعمل كل حاجه خلال الشهـــــــر دا وفى واحد تانى بيقرى قرآن برده بس ومش فى نيته انه يختمه

والله انا واحد من الناس مبعرفش اقرى القرآن لحد دلوقت ولو قرأت اى صوره مش حافظها بنطقه غلط لانى باختصار معرفش اى حاجه فى اللغه العربيه ولا عمرى فتحتها اصلا خلال كل مراحل التعليم وطبعــــا النحو دا مليش فى خالص خالص ومش بعرف فى التشكيل والشده والسكون والحاجات دى

وقرايتى للقرآن بتكون مختصره على الصور اللى حفظتها وانا فى ابتدائى اللى معظمها من جزء عم وبقيت الصور مبعرفش اقراها وبقعد اتءتء فى الكلام بس احيانا بحاول

وعادى يعنى هنتفرج برده على برامج ولو فى الكاميرا الخفيه العقيمه بتاعتنا دى مفيش مانع نتفرج عليها برده .. صحيح الواحد بيكون عارف انها تمثيل فى تمثيل بس اهو بنحاول نقنع نفسنا انها مقلب بجد وبنضحك .. وعادى ياهدى اتفرجى على اللى انت عايزاه بس ميكونش دا على حساب طاعتك لربنا
وحوريه برده هتعتكف قدام القنوات الدينيه .. عادى يعنى .. كل واحد يعمل اللى هو عايزه

بس ايه المانع اننا بعد ما نقرى قرآن ونصلى اننا نتفرج على برامج ومسلسلات .. مش معقول يعنى اننا هنقضى 24 ساعه خلال 30 يوم بنصلى وبنقرى قرآن .. اكيد هيكون فى وقت نرفه فيه عن نفسنا

مش لازم ( الزهد ) يعنى .. احنا كلنا بنحب ربنا وبنحب ديننا بس مش متطرفين ولا متعصبين
والانســــــان اللى بيزهد دا واحد راح مكان مفوش مخلوق وبعد عن كل ملزات الدنيا وعن كل حاجه فى حياته وعن عمله كمان واتجه الى عباده الله فقط لا غير .. ودا عند ربنا غير محبب

وخلاص ياحوريه متتفرجيش على المسلسل ومتزعليش من هدى كل واحد مسؤل عن تصرفاته
وهدى برده اتفرجى على المسلسل وعيشى سنك بس طبعا بعد فرض ربنا .. وانا عن نفسى ممكن اتابع حاجات بسيطه انا مليش خلء للمسلسلات اصلا

انا رآيى من رآى الاخ حازم وانا قلت بردوه انا هتفرج على المسلسلات اللى بعد التروايح والعشا والقرآن ومينفعش نخلى ال 30 يوم رمضان سجن كما هو عنوان الموضوع

ياجماعة الدين مش تعصب زى ماقال حازم فالدين يسر وليس عسر بس مع كلا كلام حورية صح بس معظم الناس دلوقت بتستنا رمضان عشان التليفزيون والبرامج التلفزيونية انا بقة ولامن دول ولامن دول الواحد فى رمضان بيتقرب لربنا اكتر ويصلى ويصوم ويحاسب على كلامة من النميمة او خلافة ومفيهاش حاجة بردو لما نشوف مسلسل بعد الفطار بس بردو منأثرش على طاعتنا لربنا خصوصا فى هذا الشهر

as me like كتب:

مالها يسرا دى محترمه جدا مع كل احترامك ومش مستفزه زى الممثلين التانيين يا سميه واعمالها حلوه وليها هدف فى المبادئ وكده ومسلسلاتها بتحكى عن قضايا احنا عايشين فيها دلوقتى يعنى مثال بسيط المسلسل بتاع رمضان اللى فات قضية رآى عام ده كان مسلسل هادف وليه قصه وقضيه ومشكله نساء كتير بتتعرض لها ويسرا مش مستفزه زى باقى الممثلين,"مع كل احترامى بردوه"
وبالحق فى مسلسل لنور بردوه حلو لو هو هيجى فى معاد مش من بتوع الصلاه ابقوا تابعوا ودى مش نصيحه يا اخوه ويا أخوات

انتي ميه ميه اعملي الانني عوزاه وكلكم صح وانا غلط

حليب يا قشطات "مش قشطه واحده بس " خدى بالك