فتاه مسيحية اسلمت اهلها عذبوها وماتت شهيدة

قالو مسيحية مصرية وأسلمت واهلها بيقتلوها
وقالو مسلمة مصرية وإتنصرت وأهلها بيقتلوها
وقالوا بنت غزاوية مش لابسة طرحة وحماس بيقتلوها
وركبوا على الفيديو قرآن
حقيقي مش عارف ليه العالم فيه ناس بنت دين كلب كده
وليه بالذات المسيحيين والمسلمين في مصر بيعملوا الحركات الوسخة دي أو مين بيعمل فيهم كده وهما بيصدقوه ولمصلحة مين نشر فيديو زي ده على انه كده وازالة الصوت الاصلي من عليه وتركيب قرآن مكانه
مش ممكن كمية الناس اللي بعتولي الفيديو ده علشان أنشره ولا حد فيهم عارف حقيقته رغم اني شفته من سنة تقريبا وطالما العملية بقت كده يبقى لازم أوضح حقيقة هذا الفيديو الذي يتناقله المصريون بمنتهى الغباء الطائفي
من الآخر الفيديو ده مش مصري أساسا
ده فيديو من العراق
من مدينة الموصل
متصور يوم 7 أبريل 2007
ودي بنت اسمها دعاء خليل أسود
عندها 17 سنة
من الطائفة الكردية اليزيدية
حبت ولد مسلم سني وهربت علشان تتجوزه
أهلها ما عجبهش طبعا
وفي جو الوساخة الطائفية الموجود في العراق بسبب أمريكا والسعودية وإيران
والحرب بالوكالة بين السعودية وإيران على أرض العراق
قاموا عملوا فيها زي ما شفتم كده في هذا الفيديو المؤلم وهو ليس أكثر الفيديوهات التي وصلتني إيلاما بالمناسبة
فقد وصلتني فيديوهات لنساء تذبح كالشياه وتفصل رأسها عن جسدها وكله في العراق ربنا يعفي عنه ويحرس مصر من كل إبن كلب مسلم أو مسيحي أو يهودي أو أي كان عاوز يولع فيها بنشر فيديو زي ده
ودي صورة البنت العراقية


دعاء خليل أسود

بالمناسبة السنة العراقيين ما عجبهمش اللي حصل للبنت قاموا خطفوا أوتوبيس عمال يزيديين فيه 23 عامل ونزلوهم من الأوتوبيس وضربوهم بالنار بعد الحادثة بتاعة البنت بشهر تقريبا

الموضوع حلو موووت ميرسى يا منة وشكرا على مجهودك

ميرسى لمرورك

لا اله الا الله .
ولا حول ولا قوه الا بالله العلي العظيم.

لا اله الا الله .
ولا حول ولا قوه الا بالله العلي العظيم.

بس الموضوع في سب بالدين ارجو حزف هذا الموضوع لانه في كلمه معجبتنيش
فيها سب بالدين اقرئو الموضوع جيدا وانو تعرفو